dekha na kaarobaar-e-mohabbat kabhee hafeez
fursat ka vaqt hee na diya kaarobaar ne
sunaata hai kya hairat-angez qisse
haseenon mein khoee ho jis ne javaanee
tauba tauba shaikh jee tauba ka phir kis ko khayaal
jab vo khud kah de ki pee thodee see pee mere lie
khuda ko na takaleef de doobane mein
kisee naakhuda ke sahaare chala chal
hai mudda-e-ishq hee duniya-e-mudda
ye mudda na ho to koee mudda na ho
haan kaif-e-be-khudee kee vo saat bhee yaad hai
mahasoos kar raha tha khuda ho gaya hoon main
ye bhee ik dhoka tha nairang-e-tilism-e-aql ka
apanee hastee par bhee hastee ka hua dhoka mujhe
hafeez ahal-e-zabaan kab maanate the
bade zoron se manavaaya gaya hoon
charaag-e-khaana-e-darvesh hoon main
idhar jalata udhar bujhata raha hoon
vo sarakhushee de ki zindagee ko shabaab se bahar-yaab kar de
mire khayaalon mein rang bhar de mire lahoo ko sharaab kar de