vandan kar bhaarat maata ka, ganatantr raajy kee bolo jay.
kaaka ka darshan praapt karo, sab paap-taap ho jae kshay.
main apanee tyaag-tapasya se janagan ko maarg dikhaata hoon.
hai kamee ann kee iseelie chamacham-rasagulle khaata hoon.
geeta se gyaan mila mujhako, manj gaya aatma ka darpan.
nirlipt aur nishkaamee hoon, sab karm kie prabhu ke arpan.
aatmonnati ke anubhoot yog, kuchh tumako aaj batoonga.
hoon saty-ahinsa ka svaroop, jag mein prakaash phailaoonga.
aaee svaraaj kee bela tab, seva-vrat hamane dhaar liya.
dushman bhee kahane lage dost! maidaan aapane maar liya.
jab antahkaran hua jaagrat, usane hamako yon samajhaaya.
aandhee ke aam jhaad moorakh kshanabhangur hai nashvar kaaya.
grhanee ne bhrikutee taan kaha-kuchh apana bhee uddhaar karo.
hai sadaachaar ka arth yahee tum sada ek ke chaar karo.
guru bhrashtadev ne sadaachaar ka goodh bhed yah batalaaya.
jo mool shabd tha sadaachor, vah sadaachaar ab kahalaaya.
gurumantr mila aaee akkal upadesh desh ko deta main.
hai saaree janata thard klaas, air condition neta main.
janata ke sankat door karoon, ichchha hotee, man bhee chalata.
par bhraman aur udghaatan-bhaashan se avakaash nahin milata.
aata mahanga, bhaate mahange, mahangaee se mat ghabarao.
raashan se pet na bhar pao, to gaajar shakarakand khao.
rishiyon kee vaanee yaad karo, un tathyon par vishvaas karo.
yadi aatmashuddhi karana chaaho, upavaas karo, upavaas karo.
darshan-vedaant bataate hain, yah jeevan-jagat anitya hai.
isalie doodh, ghee, tel, choon, cheenee, chaaval, sab mithya hai.
rishvat athava upahaar-bhent main nahin kisee se leta hoon.
yadi bhoole bhatake le bhee loon to krshnaarpan kar deta hoon.
le bhaanti-bhaanti kee aushadhiyaan, shaasak-neta aage aae.
bhaarat se bhrashtaachaar abhee tak door nahin ve kar pae.
ab keval ek ilaaj shesh, mera yah nuskha not karo.
jab khot karo, mat ot karo, sab kuchh danke kee chot karo.