loader image

saare jahaan se achchha

saare jahaan se achchha hai indiya hamaara
ham bhed-bakaree isake yah gaderiya hamaara

satta kee khumaaree mein, aazaadee so rahee hai
hadataal kyon hai isakee padataal ho rahee hai
lekar ke karz khao yah pharz hai tumhaara
saare jahaan se achchha hai indiya hamaara.

choron va ghoosakhoron par not barasate hain
eemaan ke musaaphir raashan ko tarashate hain
votar se vot lekar ve kar gae kinaara
saare jahaan se achchha hai indiya hamaara.

jab antaraatma ka milata hai hukm kaaka
tab raashtreey poonjee par ve daalate hain daaka
inakam bahut hee kam hai hota nahin guzaara
saare jahaan se achchha hai indiya hamaara.

hindee ke bhakt hain ham, janata ko yah jataate
lekin suputr apana kaanvent mein padhaate
ban jaega kalaktar dega hamen sahaara
saare jahaan se achchha hai indiya hamaara.

filmon pe phida ladake, phaishan pe phida ladakee
mazaboor mammee-paapa, pokit mein bhaaree kadakee
bobee ko dekha jabase baaboo hue avaara
saare jahaan se achchha hai indiya hamaara.

jevar uda ke beta, mumbee ko bhaagata hai
zeero hai kintu khud ko heero se naapata hai
stoodiyo mein ghusane par gorakha ne maara
saare jahaan se achchha hai indiya hamaara.

469

Add Comment

By: Kaka Hathrasi

© 2023 Pothi | All Rights Reserved

Do not copy, Please support by sharing!