hava hoon, hava, main basantee hava hoon
vahee haan, vahee jo yugon se gagan ko
bina kasht-shram ke samhaale hue hai
hava hoon hava main basantee hava hoon
vahee haan, vahee jo dhara kee basantee
susangeet meetha gunjaatee phiree hoon
hava hoon, hava, main basantee hava hoon
vahee haan, vahee jo sabhee praaniyon ko
pila prem-aasan jilae huee hoon
hava hoon hava main basantee hava hoon
kasam roop kee hai, kasam prem kee hai
kasam is hrday kee, suno baat meree–
anokhee hava hoon badee baavalee hoon
badee mastamaula. na
heen kuchh phikar hai,
badee hee nidar hoon.
jidhar chaahatee hoon,
udhar ghoomatee hoon, musaaphir ajab hoon.
na ghar-baar mera, na uddeshy mera,
na ichchha kisee kee, na aasha kisee kee,
na premee na dushman,
jidhar chaahatee hoon udhar ghoomatee hoon.
hava hoon, hava main basantee hava hoon!
jahaan se chalee main jahaan ko gaee main –
shahar, gaanv, bastee,
nadee, ret, nirjan, hare khet, pokhar,
jhulaatee chalee main jhumaatee chalee main!
hava hoon, hava mai basantee hava hoon.
chadhee ped mahua, thapaathap machaaya;
giree dhamm se phir, chadhee aam oopar,
use bhee jhakora, kiya kaan mein koo,
utarakar bhagee main, hare khet pahunchee –
vahaan, genhunon mein lahar khoob maaree.
pahar do pahar kya, anekon pahar tak
isee mein rahee main!
khadee dekh alasee lie sheesh kalasee,
mujhe khoob soojhee –
hilaaya-jhulaaya giree par na kalasee!
isee haar ko pa,
hilaee na sarason, jhulaee na sarason,
maza aa gaya tab,
na sudhabudh rahee kuchh,
basantee navelee bhare gaat mein thee
hava hoon, hava main basantee hava hoon!
mujhe dekhate hee araharee lajaee,
manaaya-banaaya, na maanee, na maanee;
use bhee na chhoda-
pathik aa raha tha, usee par dhakela;
hansee zor se main, hansee sab dishaen,
hanse lahalahaate hare khet saare,
hansee chamachamaatee bharee dhoop pyaaree;
basantee hava mein hansee srshti saaree!
hava hoon, hava main basantee hava hoon!