loader image

dhoomil saanjh – a poem by Kishor Kabra

mainne to socha tha – chalakar pa loonga manzil kee seema
itanee lambee raah ki thak kar choor ho gaya chalate-chalate.

apanee galee bhalee lagatee thee
aur bhale the sab nar-naaree
lekin chauraahe par dekha – kaee panth the, kaee pujaaree.
jis se poochho, vahee bataata
jeevan kee nootan paribhaasha
shabdon kee chhaaya mein jaise-taise saaree umr guzaaree.
mainne to socha tha jalakar
pa loonga sooraj kee kiranen,
itanee kaalee raat ki jag se door ho gaya jalate-jalate.

kitanee boodhee saath hamaaree,
kintu saadhana beete pal kee.
nanheen chonch dubaakar let thaah mahaasaagar ke jal kee.
maraghat ke sirahaane baithe
svapn dekhate hain panaghat ke.
varshon ka saamaan jama hai, lekin khabar nahin hai pal kee.
mainne to socha-galakar
pa loonga nirjhar ka aanchal,
itanee nishthur dhaar kee main bhee kroor ho gaya galate-galate.

utha baal sooraj-sa mera,
haath poorv ke svarn shikhar se.
kesar se ghul gaya andhera, kankar-kankar gae nikhar-se.
lekin sandhya ne musaka kar
kaha kaan mein kuchh pashchim ke
toot gae sab indradhanush tarakas ke shar sab gae bikhar-se.
mainne to socha tha – dhalakar
pa loonga vishraam zara-sa
itanee dhoomil saanjh ki main bhee dhool ho gaya dhalate-dhalate.

784
By: Kishor Kabra

© 2022 Pothi | All Rights Reserved

Do not copy, Please support by sharing!