hey raam,
jeevan ek katu yathaarth hai
aur tum ek mahaakaavy!
tumhaare bas kee nahin
us avivek par vijay
jisake das bees nahin
ab laakhon sar-laakhon haath hain,
aur vibheeshan bhee ab
na jaane kisake saath hai.
isase bada kya ho sakata hai
hamaara durbhaagy
ek vivaadit sthal mein simat kar
rah gaya tumhaara saamraajy
ayodhya is samay tumhaaree ayodhya nahin
yoddhaon kee lanka hai,
maanas tumhaara charit nahin
chunaav ka danka hai!
he raam, kahaan yah samay
kahaan tumhaara treta yug,
kahaan tum maryaada purushottam
kahaan yah neta-yug!
savinay nivedan hai prabhu ki laut jao
kisee puraan-kisee dharmagranth mein
sakushal sapatneek….
abake jangal vo jangal nahin
jinamen ghooma karate the vaalmeek!