loader image

anabyaahee auraten – a poem by Anamika

‘maee ree main kaase kahoon peer apane jiya kee, maee ree!’
jab bhee sunatee hoon main geet, aapaka meera baee,
soch mein pad jaatee hoon, vo kya tha
jo maan se bhee aapako kahate nahin banata tha

haalaanki sambodhan geeton ka
akasar vah hotee theen!

varking vimens hostal mein pichhavaade ka dhaaba,
das baras ka chhotoo pyaaliyaan dhota-chamakaata
kya sochakar apane us khataara tep par
baar-baar ye hee vaala geet aapaka bajaata hai!

lakshan to hain usamen
kya vah bhee manamohan purush banega,
kisee nanhee-see meera ka manacheeta
adiyal nahin, zara meetha!

varking vimens hostal kee ham sab auraten
dhoondhatee hee rah gaeen koee aisa
jinhen dekh man mein jage prem ka hausala!

log mile – par kaise-kaise –
gyaanee nahin, panditaoo,
vafaadaar nahin, dumahilaoo,
saahasee nahin, keval jhagadaaloo,
drdh pratigy kahaan, sirf ziddee,
prabhaavee nahin, sirf haavee,
dost nahin, maalik,
saamajik nahin, sirf ekaant bheeru
dhaarmik nahin, keval kattar

katakataakar haradam padate rahe ve
apane pratipakshiyon par –
pratipakshee jo aakhir pakshee hee the,
unase hee the
unake nuche hue pankh
aur chonch ghaayal!

aison se kya khaakar ham karate hain pyaar!
so apanee varamaala
apanee hee chotee mein goonthee
aur kaha khud se –
“ekoham bahusyaam!”

vo dekho vo –
pyaale dhota nanha ghanashyaam!
aatma kee kokh bhee ek hotee hai, hai na!
to dhaaran karate hain
is nayee srshti kee ham kalpana

jahaan gyaan sangyaan bhee hua kare,
saahas sadbhaavana!

Add Comment

By: Anamika

© 2021 Pothi | All Rights Reserved

Do not copy, Please support by sharing!