mera sajal mukh dekh lete!
yah karun mukh dekh leta!
setu shoolon ka bana baandha virah-vaareesh ka jal
phool kee palaken banaakar pyaaliyaan baanta halaahal!
dukhamay sukh
sukh bhara duhkh
kaun leta poochh, jo tum,
jvaal-jal ka desh dete!
nayan kee neelam-tula par motiyon se pyaar tola,
kar raha vyaapaar kab se mrtyu se yah praan bhola!
bhraantimay kan
shraantimay kshan-
the mujhe varadaan, jo tum
maang mamata shesh lete!
pad chale, jeevan chala, palaken chalee, spandan rahee chal
kintu chalata ja raha mera kshitij bhee door dhoomil.
ang alasit
praan vijadit
maanatee jay, jo tumheen
hans haar aaj anek dete!
ghul gaee in aansuon mein dev, jaane kaun haala,
jhoomata hai vishv pee-pee ghoomatee nakshatr-maala;
saadh hai tum
ban saghan tum
surang avagunthan utha,
gin aansuon kee rakh lete!
shithil charanon ke thakit in noopuron kee karun runajhoon
virah kee itihaas kahatee, jo kabhee paate subhag sun;
chapal pad dhar
aa achal ur!
vaar dete mukti, kho
nirvaaran ka sandesh dete!