loader image

dillee – a poem by Nirala

kya yah vahee desh hai—
bheemaarjun aadi ka keerti kshetr,
chirakumaar bheeshm kee pataaka brahmaachary-deept
udatee hai aaj bhee jahaan ke vaayumandal mein
ujjaval, adheer aur chiranaveen?—
shreemukh se krshn ke suna tha jahaan bhaarat ne
geeta-geet—sinhanaad—
marmavaanee jeevan-sangraam kee—
saarthak samanvay gyaan-karm-bhakti yog ka?

yah vahee desh hai
parivartit hota hua hee dekha gaya jahaan
bhaarat ka bhaagy chakr?—
aakarshan trshna ka
kheenchata hee raha jahaan prthvee ke deshon ko
svarn-pratima kee or?—
utha jahaan shabd ghor
sansrti ke shaktimaan dasyuon ka adamaneey,
punah punah barbarata vijay paatee gaee
sabhyata par, sanskrti par,
kaanpe sada re adhar jahaan rakt dhaara lakh
aarakt ho sadaiv.

kya yahee vah desh hai—
yamuna-pulin se chal
‘prthvee’ kee chita par
naariyon kee mahima us satee sanyogita ne
kiya aahoot jahaan vijit svajaatiyon ko
aatm-balidaan se:—
padho re, padho re paath,
bhaarat ke avishvast avanat lalaat par
nij chitaabhasm ka teeka lagaate hue,–
sunate hee khade bhay se vivarn jahaan
avishvast sangyaaheen patit aatmavismrt nar?
beet gaye kitane kaal,
kya yah vahee desh hai
badale kireet jisane saikadon maheep-bhaal?

kya yah vahee desh hai
sandhya kee svarnavarn kiranon mein
digvadhoo alas haathon se
thee bharatee jahaan prem kee madira,–
peetee theen ve naariyaan
baithee jharokhe mein unnat praasaad ke?—
bahata tha sneh-unmaad nas-nas mein jahaan
prthvee kee saadhana ke kamaneey angon mein?—
dhvanimay jyon andhakaar
dooragat sukumaar,
pranayiyon kee priy katha
vyaapt karatee thee jahaan
ambar ka antaraal?
aanand dhaara bahatee thee shat laharon mein
adhar me praanton se;
atal hrday se uth

baandhe yug baahuon ke
leen hote the jahaan antaheenata mein madhur?—
ashru bah jaate the
kaaminee ke koron se
kamal ke koshon se praat kee os jyon,
milan kee trshna se phoot uthate the phir,
rang jaata naya raag?—
kesh-sukh-bhaar rakh mukh priy-skandh par
bhaav kee bhaasha se
kahatee sukumaariyaan theen kitanee hee baaten jahaan
raaten viraamaheen karatee huee?—
priya kee greeva kapot baahuon ne gher
mugdh ho rahe the jahaan priy-mukh anuraagamay?—
khilate sarovar ke kamal paraagamay
hilate dulate the jahaan
sneh kee vaayu se, pranay ke lok mein
aalok praapt kar?
rache gaye geet,

gaye gaaye jahaan kitane raag
desh ke, videsh ke!
bahee dhaaraen jahaan kitanee kiranon ko choom!
komal nishaad bhar
uthe ve kitane svar!
kitane ve raaten
sneh kee baaten rakkhe nij hrday mein
aaj bhee hain maun jahaan!
yamuna kee dhvani mein
hai goonjatee suhaag-gaatha,
sunata hai andhakaar khada chupachaap jahaan!
aaj vah ‘phiradaus’
sunasaan hai pada.
shaahee deevaan-aam stabdh hai ho raha,
dupahar ko, paarshv mein,
uthata hai jhilleerav,
bolate hain syaar raat yamuna-kachhaar mein,
leen ho gaya hai rav
shaahee anganaon ka,

nistabdh meenaar,
maun hain makabare:-
bhay mein aasha ko jahaan milate the samaachaar,
tapak padata tha jahaan aansuon mein sachcha pyaar!

dillee

785

Add Comment

© 2021 Pothi | All Rights Reserved

Do not copy, Please support by sharing!