loader image

jyeshth – a poem by Nirala

(1)
jyeshth! kroorata-karkashata ke jyeshth! srshti ke aadi!
varsh ke ujjaval pratham prakaash!
ant! srshti ke jeevan ke he ant! vishv ke vyaadhi!
charaachar de he nirday traas!
srishti bhar ke vyaakul aahvaan!–achal vishvaas!
dete hain ham tumhen prem-aamantran,
aao jeevan-shaman, bandhu, jeevan-dhan!

(2)
ghor-jata-pingal mangalamay dev! yogi-jan-siddh!
dhooli-dhoosarit, sada nishkaam!
ugr! lapat yah loo kee hai ya shool-karoge biddh
use jo karata ho aaraam!
batao, yah bhee koee reeti? chhod ghar-dvaar,
jagaate ho logon mein bheeti,–teevr sanskaar!–
ya nishthur peedan se tum nav jeevan
bhar dete ho, barasaate hain tab ghan!

(3)
tejahpunj! tapasya kee yah jyoti–pralay saakaar;
ugalate aag dhara aakaash;
pada chita par jalata mrt gat varsh prasiddh asaar,
prakriti hotee hai dekh niraash!
suradhunee mein rodan-dhvani deen,–vikal uchchhvaas,
digvadhoo kee pik-vaanee ksheen–digant udaas;
dekha jahaan vaheen hai jyoti tumhaaree,
siddh! kaanpatee hai yah maaya saaree.

(4)
shaam ho gaee, phailao vah peet gerua vastr,
rajogun ka vah anupam raag,
karmayog kee vimal pataaka aur moh ka astr,
saty jeevan ke phal ka–tyaag.
mrtyu mein, trshna mein abhiraam ek upadesh,
karmamay, jatil, trpt, nishkaam; dev, nishshesh!
tum ho vajr-kathor kintu devavrat,
hota hai sansaar atah mastak nat.

mahaakavi shree raveendranaath ke ’vaishaakh’ se

568

Add Comment

© 2022 Pothi | All Rights Reserved

Do not copy, Please support by sharing!