loader image

Famous sher of Saba Akhbarabadi

kaam aaegee mizaaj-e-ishq kee aashuftagee
aur kuchh ho ya na ho hangaama-e-mahafil sahee


aisa bhee koee gam hai jo tum se nahin paaya
aisa bhee koee dard hai jo dil mein nahin hai


raushanee khud bhee charaagon se alag rahatee hai
dil mein jo rahate hain vo dil nahin hone paate


gam-e-dauraan ko badee cheez samajh rakkha tha
kaam jab tak na pada tha gam-e-jaanaan se hamen


doston se ye kahoon kya ki miree qadr karo
abhee arzaan hoon kabhee paoge naayaab mujhe


kamaal-e-zabt mein yoon ashk-e-muztar toot kar nikala
aseer-e-gam koee zindaan se jaise chhoot kar nikala


khvaahishon ne dil ko tasveer-e-tamanna kar diya
ik nazar ne aaine mein aks gahara kar diya


ishq aata na agar raah-numaee ke lie
aap bhee vaaqif-e-manzil nahin hone paate


aaeena kaisa tha vo shaam-e-shakebaee ka
saamana kar na saka apanee hee beenaee ka


kab tak yaqeen ishq hamen khud na aaega
kab tak makaan ka haal kahenge makeen se ham


958

Add Comment

By: Saba Akhbarabadi

© 2023 Pothi | All Rights Reserved

Do not copy, Please support by sharing!