loader image

isaka rona – a poem by Subhadra Kumari Chauhan

tum kahate ho – mujhako isaka rona nahin suhaata hai |
main kahatee hoon – is rone se anupam sukh chha jaata hai ||
sach kahatee hoon, is rone kee chhavi ko jara nihaaroge |
badee-badee aansoo kee boondon par muktaavalee vaaroge || 1 ||

ye nanhe se honth aur yah lambee-see sisakee dekho |
yah chhota sa gala aur yah gaharee-see hichakee dekho ||
kaisee karuna-janak drshti hai, hrday umad kar aaya hai |
chhipe hue aatmeey bhaav ko yah ubhaar kar laaya hai || 2 ||

hansee baaharee, chahal-pahal ko hee bahudha darasaatee hai |
par rone mein antar tam tak kee halachal mach jaatee hai ||
jisase soee huee aatma jaagatee hai, akulaatee hai |
chhute hue kisee saathee ko apane paas bulaatee hai || 3 ||

main sunatee hoon koee mera mujhako aha ! bulaata hai |
jisakee karunaapoorn cheekh se mera keval naata hai ||
mere oopar vah nirbhar hai khaane, peene, sone mein |
jeevan kee pratyek kriya mein, hansane mein jyon rone mein || 4 ||

main hoon usakee prakrti sanginee usakee janm-pradaata hoon |
vah meree pyaaree bitiya hai main hee usakee pyaaree maata hoon ||
tumako sun kar chidh aatee hai mujh ko hota hai abhimaan |
jaise bhakton kee pukaar sun garvit hote hain bhagavaan || 5 ||

1

Add Comment

© 2023 Pothi | All Rights Reserved

Do not copy, Please support by sharing!