loader image

pratham rashmi – a poem by Sumitranandan Pant

pratham rashmi ka aana rangini!
toone kaise pahachaana?
kahaan, kahaan he baal-vihangini!
paaya toone vah gaana?
soyee thee too svapn need mein,
pankhon ke sukh mein chhipakar,
oongh rahe the, ghoom dvaar par,
praharee-se juganoo naana.

shashi-kiranon se utar-utarakar,
bhoo par kaamaroop nabh-char,
choom naval kaliyon ka mrdu-mukh,
sikha rahe the musakaana.

sneh-heen taaron ke deepak,
shvaas-shoony the taru ke paat,
vichar rahe the svapn avani mein
tam ne tha mandap taana.
kook uthee sahasa taru-vaasini!
ga too svaagat ka gaana,
kisane tujhako antaryaamini!
batalaaya usaka aana!

1

Add Comment

By: Sumitranandan Pant

© 2021 Pothi | All Rights Reserved

Do not copy, Please support by sharing!