na deen ke hue mohasin ham aur na duniya ke
buton se ham na mile aur hamen khuda na mila
vaiz kee aankhen khul gaeen peete hee saaqiya
ye jaam-e-may tha ya koee dariya-e-noor tha
deevaana-vaar daud ke koee lipat na jae
aankhon mein aankhen daal ke dekha na keejie
pahaad kaatane vaale zameen se haar gae
isee zameen mein dariya samae hain kya kya
kyoon kisee se vafa kare koee
dil na maane to kya kare koee
sharbat ka ghoont jaan ke peeta hoon khoon-e-dil
gam khaate khaate munh ka maza tak bigad gaya
vahee saaqee vahee saagar vahee sheesha vahee baada
magar laazim nahin har ek par yakasaan asar hona
jaise dozakh kee hava kha ke abhee aaya ho
kis qadar vaiz-e-makkaar daraata hai mujhe
buton ko dekh ke sab ne khuda ko pahachaana
khuda ke ghar to koee banda-e-khuda na gaya
jhaankane taakane ka vaqt gaya
ab vo ham hain na vo zamaana hai