loader image

Famous sher of Yaqoob Aamir

baad-e-nafarat phir mohabbat ko zabaan darakaar hai
phir azeez-e-jaan vahee urdoo zabaan hone lagee


har naya rasta nikalata hai jo manzil ke lie
ham se kahata hai puraanee rahaguzar kuchh bhee nahin


sach kahiyo ki vaaqif ho mire haal se aamir
duniya hai khafa mujh se ki duniya se khafa main


mujhe bhee khud na tha ehasaas apane hone ka
tiree nigaah mein apana maqaam khone tak


sar ke neeche eent rakh kar umr bhar soya hai too
aakhiree bistar bhee aamir tera farsh-e-khaak tha


na samajhe ashk-fishaanee ko koee maayoosee
hai dil mein aag agar aankh mein bhee paanee hai


bazm mein yoon to sabhee the phir bhee aamir der tak
tere jaane se rahee ik khaamushee chaaron taraf


dheere dheere sar mein aa kar bhar gaya barason ka shor
rafta rafta aarazoo-e-dil dhuaan hone lagee


chain hee kab lene deta tha kisee ka gam hamen
ye na dekha umr bhar apana bhee daaman chaak tha


main aaj kal ke tasavvur se shaad-kaam to hoon
ye aur baat ki do pal kee zindagaanee hai


953

Add Comment

By: Yaqoob Aamir

© 2022 Pothi | All Rights Reserved

Do not copy, Please support by sharing!