aa rahee hai chaah-e-yoosuf se sada
dost yaan thode hain aur bhaee bahut
raazee hain ham ki dost se ho dushmanee magar
dushman ko ham se dost banaaya na jaega
hali sukhan mein shefta se mustafeed hai
galib ka motaqid hai muqallid hai meer ka
kyoon badhaate ho ikhtilaat bahut
ham ko taaqat nahin judaee kee
us ke jaate hee ye kya ho gaee ghar kee soorat
na vo deevaar kee soorat hai na dar kee soorat
tum aise kaun khuda ho ki umr bhar tum se
umeed bhee na rakhoon na-umeed bhee na rahoon
tazkira dehalee-e-marahoom ka ai dost na chhed
na suna jaega ham se ye fasaana haragiz
us ne achchha hee kiya haal na poochha dil ka
bhadak uthata to ye shola na dabaaya jaata
munh kahaan tak chhupaoge ham se
tum mein aadat hai khud-numaee kee
raah ke taalib hain par be-raah padate hain qadam
dekhie kya dhoondhate hain aur kya paate hain ham