qais ho kohakan ho ya hali
aashiqee kuchh kisee kee zaat nahin
aage badhe na qissa-e-ishq-e-butaan se ham
sab kuchh kaha magar na khule raaz-daan se ham
ham roz-e-vida un se hans hans ke hue rukhsat
rona tha bahut ham ko rote bhee to kya hota
nazar aatee nahin ab dil mein tamanna koee
baad muddat ke tamanna miree bar aaee hai
ik dard ho bas aath pahar dil mein ki jis ko
takhafeef dava se ho na taskeen dua se
be-qaraaree thee sab ummeed-e-mulaaqaat ke saath
ab vo agalee see daraazee shab-e-hijraan mein nahin
ham ne har adana ko aala kar diya
khaakasaaree apanee kaam aaee bahut
qalaq aur dil mein siva ho gaya
dilaasa tumhaara bala ho gaya
dikhaana padega mujhe zakhm-e-dil
agar teer us ka khata ho gaya
dhoom thee apanee paarasaee kee
kee bhee aur kis se aashnaee kee