loader image

ek soch – a poem by Amrita Pritam

bhaarat kee galiyon mein bhatakatee hava
choolhe kee bujhatee aag ko kuredatee
udhaar lie ann ka
ek graas todatee
aur ghutanon pe haath rakhake
phir uthatee hai…

cheen ke peele
aur zard honton ke chhaale
aaj bilakhakar
ek aavaaz dete hain
vah jaatee aur
har gale mein ek sookhatee
aur cheekh maarakar
vah veeyatanaam mein giratee hai…

shmashaan-gharon mein se
ek gandh-see aatee
aur saagar paar baithe –
shmashaan-gharon ke vaaris
baarood kee is gandh ko
sharaab kee gandh mein bhigote hain.

bilakul us tarah, jis tarah –
ki shmashaan-gharon ke doosare vaaris
bhookh kee ek gandh ko
taqadeer kee gandh mein bhigote hain
aur logon ke duhkhon kee gandh ko –
taqareer kee gandh mein bhigote hain.

aur izarail kee nayee-see maatee
ya puraanee ret arab kee
jo khoon mein hai bheegatee
aur jisakee gandh –
khaamakhaah shahaadat ke jaam mein hai doobatee…

chhaatee kee galiyon mein bhatakatee hava
yah sabhee gandhen soonghatee aur sochatee –
ki dharatee ke aangan se
sootak kee mahak kab aaegee?
koee ida – kisee maathe kee naadee
– kab garbhavatee hogee?
gulaabee maans ka sapana –
aaj sadiyon ke gyaan se
veery kee boond maangata…

988

Add Comment

By: Amrita Pritam

© 2023 Pothi | All Rights Reserved

Do not copy, Please support by sharing!