loader image

lynching – a poem by Anamika Anu

bheed se bhinn tha
to kya bura tha
kabeer bhee the
ambedakar bhee the
raveendranaath taigor bhee the
gaandhee kee bheed kabhee paida hotee hai kya?

patte khaakar
aadamee ka rakt baha diya
dosh sabjiyon ka nahin
soch ka hai,
is baat par ki vah
khaata hai vah sab
jo bheed nahin khaatee,
kha lete kuchh bhee
par insaan ka graas… aadamakhor!
in preton ka badhata jhund aapake
paas aaega.
aaj is vajah se
kal us vajah se
nishaana sirf insaan honge.

jo janm se mila
kuchh bhee nahin tumhaara
phir in cheezon par
itana bavaal!
itana ubaal!
aur phir aisa fasaad?
aaj alpasankhyak soch ko kuchala hai,
kal alpasankhyak jaati, paraso dharm,
phir rang, kad, kaathee, ling vaalon ko,
phir un gaanv, shahar, desh ke logon ko jinakee sankhya
bheed mein kam hogee.
kisee ek samay mein
kisee ek jagah par
har koee us bheed mein hoga alpasankhyak
aur bheed ke lapalapaate haath talaashenge
sabaka gala, sabakee reedh aur sabakee pasaliyaan.

pahale se hee veebhats hai
bahusankhyakon ka khoonee itihaas.
alpasankhyakata saapekshik hai
yaad raha nahin kisee ko.
asabhyon kee bheed se ek ko chunakar
sabhyon kee jamaat mein khada kar do
aur poochho tumhaara stetas kya hai?

Add Comment

By: Anamika Anu

© 2023 Pothi | All Rights Reserved

Do not copy, Please support by sharing!