loader image

do anubhootiyaan – a poem by Atal Bihari Vajpayee

pahalee anubhooti:

geet nahin gaata hoon

benaqaab chehare hain,
daag bade gahare hain
tootata tilism aaj sach se bhay khaata hoon
geet nahin gaata hoon
lagee kuchh aisee nazar
bikhara sheeshe sa shahar

apanon ke mele mein meet nahin paata hoon
geet nahin gaata hoon

peeth me chhuree sa chaand
raahoo gaya rekha phaand
mukti ke kshanon mein baar baar bandh jaata hoon
geet nahin gaata hoon

doosaree anubhooti:

geet naya gaata hoon

toote hue taaron se phoote baasantee svar
patthar kee chhaatee me ug aaya nav ankur
jhare sab peele paat
koyal kee kuhuk raat

praachee me arunim kee rekh dekh pata hoon
geet naya gaata hoon

toote hue sapanon kee kaun sune sisakee
antar kee cheer vyatha palako par thithakee
haar nahin maanoonga,
raar naee thaanoonga,

kaal ke kapaal pe likhata mitaata hoon
geet naya gaata hoon

do anubhootiyaan

459

Add Comment

By: Atal Bihari Vajpayee

© 2021 Pothi | All Rights Reserved

Do not copy, Please support by sharing!