kisee raat ko
meree neend chaanak uchat jaatee hai
aankh khul jaatee hai
main sochane lagata hoon ki
jin vaigyaanikon ne anu astron ka
aavishkaar kiya tha
ve hiroshima-naagaasaakee ke bheeshan
narasanhaar ke samaachaar sunakar
raat ko kaise soe honge?
kya unhen ek kshan ke lie sahee
ye anubhooti nahin huee ki
unake haathon jo kuchh hua
achchha nahin hua!
yadi huee, to vaqt unhen kataghare mein khada nahin karega
kintu yadi nahin huee to itihaas unhen
kabhee maaf nahin karega!