kaee sitaaron ko main jaanata hoon bachapan se
kaheen bhee jaoon mire saath saath chalate hain
naam paanee pe likhane se kya faeda
likhate likhate tire haath thak jaenge
khuda kee us ke gale mein ajeeb qudarat hai
vo bolata hai to ik raushanee see hotee hai
be-vaqt agar jaoonga sab chaunk padenge
ik umr huee din mein kabhee ghar nahin dekha
phir se khuda banaega koee naya jahaan
duniya ko yoon mitaegee ikkeesaveen sadee
ye phool mujhe koee viraasat mein mile hain
tum ne mira kaanton bhara bistar nahin dekha
mujhe ishtihaar see lagatee hain ye mohabbaton kee kahaaniyaan
jo kaha nahin vo suna karo jo suna nahin vo kaha karo
ijaazat ho to main ik jhoot boloon
mujhe duniya se nafarat ho gaee hai
main jis kee aankh ka aansoo tha us ne qadr na kee
bikhar gaya hoon to ab ret se uthae mujhe
nahin hai mere muqaddar mein raushanee na sahee
ye khidakee kholo zara subh kee hava hee lage