loader image

jaagaran – a poem by Dinkar

main shishir-sheerna chalee, ab jaag o madhumaasavaalee!

khol drig, madhu neend taj, tandraalase, roopasi vijan kee!
saaj nav shringaar, madhu-ghat sang le, kar sudhi bhuvan kee.
vishv mein trin-trin jagee hai aaj madhu kee pyaas aalee!
main shishir-sheerna chalee, ab jaag o madhumaasavaalee!

varsh kee kavita sunaane khojate pik maun bole,
sparsh kar drut baurane ko aamr aakul baanh khole;
panth mein korakavatee joohee khadee le namr daalee.
main shishir-sheerna chalee, ab jaag o madhumaasavaalee!

laut jaata gandh vah saurabh bina phir-phir malay ko,
pushpashar chintit khada sansaar ke ur kee vijay ko.
maun khag vismit- ‘kahaan atakee madhur ullaasavaalee?’
main shishir-sheerna chalee, ab jaag o madhumaasavaalee!

mukt karane ko vikal hai laaj kee madhu-preeti kaara;
vishv-yauvan kee shira mein naachane ko raktadhaara.
chaahatee chhaana drgon mein aaj taj kar gaal laalee.
main shishir-sheerna chalee, ab jaag o madhumaasavaalee!

hai vikal ullaas vasudha ke hriday se phootane ko,
praat-anchal-granthi se nav rashmi chanchal chhootane ko.
bhrng madhu peene khade udyat liye kar rikt pyaalee.
main shishir-sheerna chalee, ab jaag o madhumaasavaalee!

indr kee dhanushee banee titalee pavan mein dolatee hai;
apsaraen bhoomi ke hit pankh-pat nij kholatee hai.
aaj ban saakaar chhaane umadate kavi-svapn aalee!
main shishir-sheerna chalee, ab jaag o madhumaasavaalee!

1934

jaagaran

837

Add Comment

© 2023 Pothi | All Rights Reserved

Do not copy, Please support by sharing!