loader image

madraas – a poem by Doodhnath Singh

svaagat-hotal mein log apanee khushee phusaphusa rahe hain.
merina samudr-tat par subah
machhuaaron ke nange bachche naha rahe hain
jis bairak mein klaiv rahata tha–usake paas
pyaaz kee das-das gaanthon ka dher lagae–auraten
khareedaar ke intazaar mein jhutainle baalon se juen nikaal rahee hain

do hazaar varsh puraanee ek kavayitree
haath uthae machhuaaron kee jhompadee kee taraf ishaara kar rahee hai
prem kaalee pasaliyon mein dame kee tarah haanph raha hai
ek sukhandee chehara–itihaas kee gaanth
kholata hua baaloo
mein gada hai.

sooraj aakhirakaar–poorab mein hee
ugata hai.

madraas

659

Add Comment

By: Doodhnath Singh

© 2022 Pothi | All Rights Reserved

Do not copy, Please support by sharing!