tumhaare janm-din par aaegee svatantrata
tumhaare janm-din par sajega laalaqila
tumhaare janm-din par le jae jaenge pradhaanamantree oopar
bakhaan karenge . salaamee lenge . jhanda kheenchennge tiranga
tumhaare janm-din par khoob jhamaajham hogee baarish
jhoomenge garajenge megh
tumhaare janm-din par khoonee daravaaze par pulis ka dasta hoga
tumhaare janm-din par par maare jaenge kashmeeree do-chaar
tumhaare janm-din par phiroonga akela
na jaane kahaan
kab tak !
tumhaare janm-din par ek din aur
badee ho jaogee tum
tumhaare janm-din par taaze phool
baar-baar baasee ho jaenge .
tumhaare janm-din ke ek din baad
lautoonga
amar hokar
tumhaare
janm-din par .