ham chataanen hain koee ret ke saahil to nahin
shauq se shahar-panaahon mein laga do ham ko
maqsad-e-zeest gam-e-ishq hai sahara ho ki shahar
baith jaenge jahaan chaaho bitha do ham ko
sunata hoon surangon the farishte mire huzoor
main jaane apanee zaat ke kis marahale mein tha
kuchh apane saaz-e-nafas kee na qadr kee too ne
ki is rabaab se behatar koee rabaab na tha
ye ujaalon ke jazeere ye saraabon ke dayaar
sehar-o-afsoon ke siva jashn-e-tarab kuchh bhee nahin
damak raha hai jo nas nas kee tishnagee se badan
is aag ko na tira pairahan chhupaega
kise khabar thee ki ye daur-e-khud-garaz ik din
junoon se qeemat-e-daar-o-rasan chhupaega
ba-juz us ke ehasaan ko kya samajhie
bahaaron mein khoya hua ik sharaabee
fusoon-e-sher se ham us mah-e-gurezaan ko
khalaon se sar-e-kaagaz utaar lae hain