khaak se sainkadon uge khursheed
hai andhera magar charaag-tale
main jis raftaar se toofaan kee jaanib badhata jaata hoon
usee raftaar se nazadeek saahil hota jaata hai
bala se kuchh ho ham ehasaan apanee khoo na chhodenge
hamesha be-vafaon se milenge ba-vafa ho kar
shorish-e-ishq mein hai husn baraabar ka shareek
soch kar jurm-e-tamanna kee saza do ham ko
ham haqeeqat hain to tasleem na karane ka sabab
haan agar harf-e-galat hain to mita do ham ko
ye kaun hans ke sehan-e-chaman se guzar gaya
ab tak hain phool chaak garebaan kie hue
aise anjaan bane baithe ho
tum ko kuchh bhee na pata ho jaise
dil kee shaguftagee ke saath raahat-e-may-kada gaee
fursat-e-may-kashee to hai hasarat-e-may-kashee nahin
marane vaale fana bhee parda hai
uth sake gar to ye hijaab utha
sata lo mujhe zindagee mein sata lo
khulega pas-e-marg ehasaan kya tha