haan aap ko dekha tha mohabbat se hameen ne
jee saare zamaane ke gunahagaar hameen the
na jaane mohabbat ka anjaam kya hai
main ab har tasallee se ghabara raha hoon
kaun deta hai mohabbat ko parastish ka maqaam
tum ye insaaf se socho to dua do ham ko
kuchh log jo savaar hain kaagaz kee naav par
tohamat taraashate hain hava ke dabaav par
zakhm pe zakhm kha ke jee apane lahoo ke ghoont pee
aah na kar labon ko see ishq hai dil-lagee nahin
zabt bhee sabr bhee imkaan mein sab kuchh hai magar
pahale kam-bakht mira dil to mira dil ho jae
log yoon dekh ke hans dete hain
too mujhe bhool gaya ho jaise
ehsan aisa talkh javaab-e-vafa mila
ham is ke baad phir koee aramaan na kar sake
tum saada-mizaajee se mite phirate ho jis par
vo shakhs to duniya mein kisee ka bhee nahin hai
uttha jo abr dil kee umangen chamak utheen
laharaeen bijaliyaan to main lahara ke pee gaya