gar baazee ishq kee baazee hai jo chaaho laga do dar kaisa
gar jeet gae to kya kahana haare bhee to baazee maat nahin
ye aarazoo bhee badee cheez hai magar hamdam
visaal-e-yaar faqat aarazoo kee baat nahin
ik fursat-e-gunaah milee vo bhee chaar din
dekhe hain ham ne hausale paravaradigaar ke
tere qaul-o-qaraar se pahale
apane kuchh aur bhee sahaare the
na gul khile hain na un se mile na may pee hai
ajeeb rang mein ab ke bahaar guzaree hai
uth kar to aa gae hain tiree bazm se magar
kuchh dil hee jaanata hai ki kis dil se aae hain
aae kuchh abr kuchh sharaab aae
is ke baad aae jo azaab aae
jab tujhe yaad kar liya subh mahak mahak uthee
jab tira gam jaga liya raat machal machal gaee
saaree duniya se door ho jae
jo zara tere paas ho baithe
ye daag daag ujaala ye shab-gazeeda sahar
vo intizaar tha jis ka ye vo sahar to nahin