loader image

chanda kee chhaanv padee

chanda kee chhaanv padee saagar ke man mein,
shaayad mukh dekha hai tumane darpan mein.

othon ke or-chhor tesoo ka pahara,
oosha ke chehare ka rang hua gahara.

chumban se dol rahe maadhav madhuban mein,
shaayad mukh chooma hai tumane bachapan mein.

angadaee leel gaee aankhon ke taare,
angiya ke bandh khule bagiya ke dvaare.

mausam bauraaya hai man mein, upavan mein,
shaayad mad ghola hai tumane chitavan mein.

praanon ke pokhar mein sapanon ke saaye,
sapanon mein apane bhee ho gae paraaye.

peeda kee phaans ugee saanson ke van mein,
shaayad chhal boya hai tumane dhadakan mein।

Add Comment

By: Kishor Kabra

© 2023 Pothi | All Rights Reserved

Do not copy, Please support by sharing!