be-dam hue beemaar dava kyoon nahin dete
tum achchhe maseeha ho shifa kyoon nahin dete
raat yoon dil mein tiree khoee huee yaad aaee
jaise veeraane mein chupake se bahaar aa jae
dil se to har moaamala kar ke chale the saaf ham
kahane mein un ke saamane baat badal badal gaee
ab apana ikhtiyaar hai chaahe jahaan chalen
rahabar se apanee raah juda kar chuke hain ham
ham shaikh na leedar na musaahib na sahaafee
jo khud nahin karate vo hidaayat na karenge
unheen ke faiz se baazaar-e-aql raushan hai
jo gaah gaah junoon ikhtiyaar karate rahe
katate bhee chalo badhate bhee chalo baazoo bhee bahut hain sar bhee bahut
chalate bhee chalo ki ab dere manzil hee pe daale jaenge
meree khaamoshiyon mein larzaan hai
mere naalon kee gum-shuda aavaaz
shaam-e-firaaq ab na poochh aaee aur aa ke tal gaee
dil tha ki phir bahal gaya jaan thee ki phir sambhal gaee
faiz thee raah sar-ba-sar manzil
ham jahaan pahunche kaamayaab aae