kaheen ye tark-e-mohabbat kee ibtida to nahin
vo mujh ko yaad kabhee is qadar nahin aae
ham ko manzil ne bhee gumaraah kiya
raaste nikale kaee manzil se
dil mein ik shor sa utha tha kabhee
phir ye hangaama umr bhar hee raha
tiree talaash mein jab ham kabhee nikalate hain
ik ajanabee kee tarah raaste badalate hain
tiree talaash hai ya tujh se ijtinaab hai ye
ki roz ek nae raaste pe chalate hain
gam-e-zamaana tiree zulmaten hee kya kam theen
ki badh chale hain ab in gesuon ke bhee sae
ye dilakashee kahaan miree shaam-o-sahar mein thee
duniya tiree nazar kee badaulat nazar mein hai
ye tameez-e-ishq-o-havas nahin hai haqeeqaton se gurez hai
jinhen ishq se sarokaar hai vo zaroor ahal-e-havas bhee hain
ab yahee mere mashaagil rah gae
sochana aur jaanib-e-dar dekhana
nazar se hadd-e-nazar tak tamaam taareekee
ye ehatimaam hai ik vada-e-sahar ke lie