loader image

Famous sher of Pandit Daya Shankar

dozakh o jannat hain ab meree nazar ke saamane
ghar raqeebon ne banaaya us ke ghar ke saamane


lae us but ko iltija kar ke
kufr toota khuda khuda kar ke


buton kee galee chhod kar kaun jae
yaheen se hai kaaba ko sajda hamaara


samajha hai haq ko apane hee jaanib har ek shakhs
ye chaand us ke saath chala jo jidhar gaya


kya lutf jo gair parda khole
jaadoo vo jo sar pe chadh ke bole


junoon kee chaak-zanee ne asar kiya vaan bhee
jo khat mein haal likha tha vo khat ka haal hua


jab mile do dil mukhil phir kaun hai
baith jao khud haya uth jaegee


makaan seene ka paata hoon dam-ba-dam khaalee
nazar bacha ke too ai dil kidhar ko jaata hai


jab na jeete-jee mire kaam aaegee
kya ye duniya aaqibat bakhshavaegee


koocha-e-jaanaan kee milatee thee na raah
band keen aankhen to rasta khul gaya


693

Add Comment

© 2022 Pothi | All Rights Reserved

Do not copy, Please support by sharing!