loader image

inase milie – a poem by Dushyant Kumar

paanvon se sir tak jaise ek janoon
betarateebee se badhe hue naakhoon

kuchh tedhe-medhe bainge daagil paanv
jaise koee etam se ujada gaanv

takhane jyon mile hue rakkhe hon baans
pindaliyaan ki jaise hilatee-dulatee kaans

kuchh aise lagate hain ghutanon ke jod
jaise oobad-khaabad raahon ke mod

gatton-see janghaen nishpraan maleen
kati, reetikaal kee sudhiyon se bhee ksheen

chhaatee ke naam mahaz haddee das-bees
jis par gin-chun kar baal khade ikkees

putthe hon jaise sookh gae amarood
chukata karate-karate jeevan ka sood

baanhen dheelee-dhaalee jyon tootee daal
anguliyaan jaise sookhee huee puaal

chhotee-see garadan rang behad badarang
haravaqt paseene ka badaboo ka sang

pichakee amiyon se gaal late se kaan
aankhen jaise tarakash ke khuttal baan

maathe par chintaon ka ek samooh
bhaunhon par baithee haradam yam kee rooh

tinakon se udate rahane vaale baal
vidyut parichaalit makhanaateesee chaal

baithe to phir ghanton jaate hain beet
sochate pyaar kee reet bhavishy ateet

kitane ajeeb hain inake bhee vyaapaar
inase milie ye hain dushyant kumaar .

459

Add Comment

By: Dushyant Kumar

© 2022 Pothi | All Rights Reserved

Do not copy, Please support by sharing!