koee to dosh se baar-e-safar utaarega
hazaaron raahazan ummeed-vaar raah mein hai
koee but-khaane ko jaata hai koee kaabe ko
phir rahe gabr o musalamaan hain tiree ghaat mein kya
sakhtee-e-raah kheenchie manzil ke shauq mein
aaraam kee talaash mein eeza uthaie
tire abaroo-e-pevasta ka aalam mein fasaana hai
kisee ustaad shaayar ka ye bait-e-aashiqaana hai
mard-e-daravesh hoon takiya hai tavakkul mera
kharch har roz hai yaan aamad-e-baalaee ka
id-e-nau-roz dil apana bhee kabhee khush karate
yaar aagosh mein khursheed hamal mein hota
aatish-e-mast jo mil jae to poochhoon us se
too ne kaifiyyat uthaee hai kharaabaat mein kya
gul aate hain hastee mein adam se hama-tan-gosh
bulbul ka ye naala nahin afsaana hai us ka
main vo gam-dost hoon jab koee taaza gam hua paida
na nikala ek bhee mere siva ummeed-vaaron mein
mujh se dariya-nosh ko saaqee pilaata hai sharaab
dekhata hoon main bhee zarf-e-sheesha-o-paimaana aaj