miree tarah se mah-o-mahar bhee hain aavaara
kisee habeeb kee ye bhee hain justujoo karate
may-kade mein nashsha kee ainak dikhaatee hai mujhe
aasamaan mast o zameen mast o dar-o-deevaar mast
na jab tak koee ham-pyaala ho main may nahin peeta
nahin mehamaan to faaqa hai khaleelullaah ke ghar mein
aisee oonchee bhee to deevaar nahin ghar kee tire
raat andheree koee aavegee na barasaat mein kya
amarad-parast hai to gulistaan kee sair kar
har naunihaal rashk hai yaan khurd-saal ka
ziyaarat hogee kaabe kee yahee taabeer hai is kee
kaee shab se hamaare khvaab mein but-khaana aata hai
us gul-badan kee boo-e-badan kuchh na poochhie
band-e-qaba jo khol die ghar mahak gaya
vahashat-e-dil ne kiya hai vo bayaabaan paida
saikadon kos nahin soorat-e-insaan paida
kaaba o dair mein hai kis ke lie dil jaata
yaar milata hai to pahaloo hee mein hai mil jaata
sivae ranj kuchh haasil nahin hai is kharaabe mein
ganeemat jaan jo aaraam too ne koee dam paaya