toot jaegee tumhaaree saans ree!
onth par rakh lo hamaaree baansuree.
saat svar nav dvaar par pahara lagae,
raat kaajal aankh mein gahara lagae.
tarjanee kee baanh ko dheere pakadana,
por mein usake chubhee hai phaans ree!
onth par…
dopahar tak svayan jalate paanv jaakar,
laut aaee dhoop sabake gaanv jaakar.
ab kanhaiya ka pata kaise lagega?
kans jaise ug rahe hai kaans ree!
onth par…
bah raha saavan idhar bhaadav udhar se,
kunj mein aaen bhala maadhav kidhar se?
ghat nahin panaghat nahin, ghoonghat nahin hai,
aansuon se jal gae hain baans ree!