loader image

been bhee hoon main tumhaaree raaginee bhee hoon

been bhee hoon main tumhaaree raaginee bhee hoon!
neend thee meree achal nispand kan kan mein,
pratham jaagrti thee jagat ke pratham spandan mein,
pralay mein mera pata padachin‍ha jeevan mein,
shaap hoon jo ban gaya varadaan bandhan mein
kool bhee hoon koolaheen pravaahinee bhee hoon!
been bhee hoon main…

nayan mein jisake jalad vah trshit chaatak hoon,
shalabh jisake praan mein vah nithur deepak hoon,
phool ko ur mein chhipae vikal bulabul hoon,
ek hokar door tan se chhaanh vah chal hoon,
door tumase hoon akhand suhaaginee bhee hoon!
been bhee hoon main…

aag hoon jisase dhulakate bindu himajal ke,
shoony hoon jisake bichhe hain paanvade palake,
pulak hoon jo pala hai kathin prastar mein,
hoon vahee pratibimb jo aadhaar ke ur mein,
neel ghan bhee hoon sunahalee daaminee bhee hoon!
been bhee hoon main…

naash bhee hoon main anant vikaas ka kram bhee
tyaag ka din bhee charam aasikt ka tam bhee,
taar bhee aaghaat bhee jhankaar kee gati bhee,
paatr bhee, madhu bhee, madhup bhee, madhur vismrti bhee,
adhar bhee hoon aur s‍imat kee chaandanee bhee hoon

684

Add Comment

By: Mahadevi Verma

© 2022 Pothi | All Rights Reserved

Do not copy, Please support by sharing!