kyon in taaron ko ulajhaate?
anajaane hee praanon mein kyon
aa aa kar phir jaate?
pal mein raagon ko jhankrt kar,
phir viraag ka asphut svar bhar,
meree laghu jeevan veena par
kya yah asphut gaate?
lay mein mera chir karuna-dhan
kampan mein sapanon ka spandan
geeton mein bhar chir sukh chir dukh
kan kan mein bikharaate!
mere shaishav ke madhu mein ghul
mere yauvan ke mad mein dhul
mere aansoo smit mein hil mil
mere kyon na kahaate?