loader image

deep se deep jale

sulag-sulag ree jot deep se deep milen
kar-kankan baj uthe, bhoomi par praan phalen.

lakshmee kheton phalee atal veeraane mein
lakshmee bant-bant badhatee aane-jaane mein
lakshmee ka aagaman andheree raaton mein
lakshmee shram ke saath ghaat-pratighaaton mein
lakshmee sarjan hua
kamal ke phoolon mein
lakshmee-poojan saje naveen dukoolon mein..

giri, van, nad-saagar, bhoo-nartan tera nity vihaar
satat maanavee kee anguliyon tera ho shrngaar
maanav kee gati, maanav kee dhrti, maanav kee krti dhaal
sada sved-kan ke motee se chamake mera bhaal
shakat chale jalayaan chale
gatimaan gagan ke gaan
too mihanat se jhar-jhar padatee, gadhatee nity vihaan..

usha mahaavar tujhe lagaatee, sandhya shobha vaare
raanee rajanee pal-pal deepak se aaratee utaare,
sir bokar, sir ooncha kar-kar, sir hatheliyon lekar
gaan aur balidaan kie maanav-archana sanjokar
bhavan-bhavan tera mandir hai
svar hai shram kee vaanee
raaj rahee hai kaalaraatri ko ujjval kar kalyaanee..

vah navaant aa gae khet se sookh gaya hai paanee
kheton kee barasan ki gagan kee barasan kie puraanee
saja rahe hain phulajhadiyon se jaadoo karake khel
aaj hua shram-seekar ke ghar hamase unase mel.
too hee jagat kee jay hai,
too hai buddhimayee varadaatree
too dhaatree, too bhoo-nav gaatree, soojh-boojh nirmaatree..

yug ke deep nae maanav, maanavee dhalen
sulag-sulag ree jot! deep se deep jalen.

Add Comment

© 2023 Pothi | All Rights Reserved

Do not copy, Please support by sharing!