ye ham jo hijr mein deevaar-o-dar ko dekhate hain
kabhee saba ko kabhee naama-bar ko dekhate hain
de mujh ko shikaayat kee ijaazat ki sitamagar
kuchh tujh ko maza bhee mire aazaar mein aave
may se garaz nashaat hai kis roo-siyaah ko
ik-goona be-khudee mujhe din raat chaahie
tha zindagee mein marg ka khataka laga hua
udane se pesh-tar bhee mira rang zard tha
haan vo nahin khuda-parast jao vo bevafa sahee
jis ko ho deen o dil azeez us kee galee mein jae kyoon
ham bhee tasleem kee khoo daalenge
be-niyaazee tiree aadat hee sahee
zikr us paree-vash ka aur phir bayaan apana
ban gaya raqeeb aakhir tha jo raaz-daan apana
faeda kya soch aakhir too bhee daana hai asad
dostee naadaan kee hai jee ka ziyaan ho jaega
etibaar-e-ishq kee khaana-kharaabee dekhana
gair ne kee aah lekin vo khafa mujh par hua
tum jaano tum ko gair se jo rasm-o-raah ho
mujh ko bhee poochhate raho to kya gunaah ho