yoosuf us ko kaho aur kuchh na kahe khair huee
gar bigad baithe to main laiq-e-taazeer bhee tha
misaal ye miree koshish kee hai ki murg-e-aseer
kare qafas mein faraaham khas aashiyaan ke lie
har bul-havas ne husn-parastee shiar kee
ab aabaroo-e-sheva-e-ahal-e-nazar gaee
nashsha-e-rang se hai vaashud-e-gul
mast kab band-e-qaba baandhate hain
nisyah-o-naqd-e-do-aalam kee haqeeqat maaloom
le liya mujh se miree himmat-e-aalee ne mujhe
jahaan tera naqsh-e-qadam dekhate hain
khayaabaan khayaabaan iram dekhate hain
