daag-e-firaaq-e-sohabat-e-shab kee jalee huee
ik sham rah gaee hai so vo bhee khamosh hai
sohabat mein gair kee na padee ho kaheen ye khoo
dene laga hai bosa bagair iltija kie
tamaasha ki ai mahav-e-aaeena-daaree
tujhe kis tamanna se ham dekhate hain
muzmahil ho gae qava ghalib
vo anaasir mein etidaal kahaan
marate marate dekhane kee aarazoo rah jaegee
vae naakaamee ki us kaafir ka khanjar tez hai
gar kiya naaseh ne ham ko qaid achchha yoon sahee
ye junoon-e-ishq ke andaaz chhut jaavenge kya
shoreedagee ke haath se hai sar vabaal-e-dosh
sahara mein ai khuda koee deevaar bhee nahin
khudaaya jazba-e-dil kee magar taaseer ultee hai
ki jitana kheenchata hoon aur khinchata jae hai mujh se
hamaare sher hain ab sirf dil-lagee ke asad
khula ki faeda arz-e-hunar mein khaak nahin
kare hai qatl lagaavat mein tera ro dena
tiree tarah koee teg-e-nigah ko aab to de