loader image

unako pranaam – a poem by Nagarjun

jo nahin ho sake poorn–kaam
main unako karata hoon pranaam.

kuchh kanthit au kuchh lakshy–bhrasht
jinake abhimantrit teer hue;
ran kee samaapti ke pahale hee
jo veer rikt tooneer hue!
unako pranaam!

jo chhotee–see naiya lekar
utare karane ko udadhi–paar;
man kee man mein hee rahee¸ svayan
ho gae usee mein niraakaar!
unako pranaam!

jo uchch shikhar kee or badhe
rah–rah nav–nav utsaah bhare;
par kuchh ne le lee him–samaadhi
kuchh asaphal hee neeche utare!
unako pranaam!

ekaakee aur akinchan ho
jo bhoo–parikrama ko nikale;
ho gae pangu, prati–pad jinake
itane adrsht ke daav chale!
unako pranaam!

krt–krt nahin jo ho pae;
pratyut phaansee par gae jhool
kuchh hee din beete hain¸ phir bhee
yah duniya jinako gaee bhool!
unako pranaam!

thee umr saadhana, par jinaka
jeevan naatak dukhaant hua;
ya janm–kaal mein sinh lagn
par kusamay hee dehaant hua!
unako pranaam!

drdh vrat au durdam saahas ke
jo udaaharan the moorti–mant?
par niravadhi bandee jeevan ne
jinakee dhun ka kar diya ant!
unako pranaam!

jinakee sevaen atulaneey
par vigyaapan se rahe door
pratikool paristhiti ne jinake
kar die manorath choor–choor!
unako pranaam!

789

Add Comment

© 2022 Pothi | All Rights Reserved

Do not copy, Please support by sharing!