loader image

khandahar ke prati – a poem by Nirala

khandahar! khade ho tum aaj bhee?
adabhut agyaat us puraatan ke malin saaj!
vismrti kee neend se jagaate ho kyon hamen–
karunaakar, karunaamay geet sada gaate hue?

pavan-sancharan ke saath hee
parimal-paraag-sam ateet kee vibhooti-raj-
aasheervaad purush-puraatan ka
bhejate sab deshon mein;
kya hai uddesh tav?
bandhan-viheen bhav!
dheele karate ho bhav-bandhan nar-naariyon ke?
athava,
ho malate kaleja pade, jara-jeern,
nirnimesh nayanon se
baat johate ho tum mrtyu kee
apanee santaanon se boond bhar paanee ko tarasate hue?

kimba, he yashoraashi!
kahate ho aansoo bahaate hue–
“aart bhaarat! janak hoon main
jaimini-patanjali-vyaas rshiyon ka;
meree hee god par shaishav-vinod kar
tera hai badhaaya maan
raam-krshn-bheemaarjun-bheeshm-naradevon ne.
tumane mukh pher liya,
sukh kee trshna se apanaaya hai garal,
ho base nav chhaaya mein,
nav svapn le jage,
bhoole ve mukt praan, saam-gaan, sudha-paan.”
baraso aasees, he purush-puraan,
tav charanon mein pranaam hai.

759

Add Comment

© 2022 Pothi | All Rights Reserved

Do not copy, Please support by sharing!