aaj se bees saal pahale
hamen
ek jyotishee ne batalaaya tha-
“chaalees paar karate hee
tum par ishq ka
bhoot savaar hoga
aur ek khoobasoorat kanya se
tumhaara pyaar hoga
iktaalees mein
qadam rakhate hee
jyotishee ka kathan
rang laaya
aur hamane apana vichaar
jab ek dost ko batalaaya
to vo hansa
phir ham par vyangy kasa-
“is umr mein ishq faramaoge
saara vichaar dhara rah jaega
haan joote khaoge.”
hamane poochha-
“ishq ka joote se kya sambandh hai?”
vo bola-“har majanoon kee kismat
laila kee jootee mein band hai.”
hamane kaha-“aap to yon kah rahe hain
maano is maamale mein
bada dakhal rakhate hain.”
vo bola-“dakhal hee nahin
ham to joote khaane ka bhee bal rakhate hain
laila to laila
hamane laila ke baap tak ke khae hain
aur ninyaanve tak to
yon muskurae hain
jaise koee baat nahin
phir joota toot jaane par
maarane vaale se poochha hai
pitaajee!
kya aapake paas laat nahin?
sach poochho shail bhaee
to is maamale mein
hamaare sar ke baalon ne
bada kaam kiya hai
tumhaare sar par to hain hee nahin
joota padate hee, bolane lagega
doosara bramharandhr kholane lagega
teesare mein samaadhee le loge
aur chauthe mein
bade bhaiya, baraabar ho loge
pahalee baar
pahala joota
hamaare sar par padate hee
hamaaree aankho ke saamane
taare naachane lage the
aur doosare mein to ham
ramayan baanchane lage the
tumhaare munh se to
raam ka naam bhee nahin nikalega
aur “raam naam saty” bhee
koee doosara hee bolega
phir mauka padane par
na to tum bhaag sakate ho
na koee
deevaar laangh sakate ho
chhipane par bhee
nahin chhipoge
bheed mein bhee ghus jaoge
to alag dikhoge
sach poochho shail chaturvedi
to tumhaaree bodee ka kanstrakshan
ishqabaajee ke khilaaf hai
laila yah samajhegee
kee majanoon nahin
majanoon ka baap hai
phir zyaada gadabad karoge
to band ho jaoge
pit-pit kar
naee kavita ke chhand ho jaoge.”
hamane poochha-“ye naee kavita ke chhand
kya bala hai?”
vo bola-“bevaqoof banaane kee kala hai
naee kavita ka sooraj
khoon kee kai karata hai
chandrama mavaad phenkata hai
kiran ko t.b. ho jaatee hai
din dahaadata hai
raat rambhaatee hai
tam tamatamaata hai
ulloo gaata hai
koyal kitakitaatee hai
maina muskuraatee hai
aur naee kavita ke baare mein
itana hee jaanata hoon
zyaada jaanana chaahate ho
to kitaab khareed lao
padh-padh kar sir peetana
raaton ko
paagalon kee tarah cheekhana
vaise aaj kal kee muhabbat bhee
tumhe isake sivaay kya degee
kyonkee aaj kal kee naee chhokaree bhee
naee kavita se kya kam hai
maraghat mein baithakar gaatee hai
“ye pyaar ka mausam hai”
jeete jee
maraghat jaana chaahate ho
to esjq pharamao
varna ghar jaakar
chupachaap
bhaabhee jee ke pair dabao
joote khaane se
pair dabaana achchha
aur majanoon ka baap kahalaane se
zoroo ka gulaam kahalaana achchha.”
Closeclose