main akela aur paanee barasata hai
preetee panihaarin gaee lootee kaheen hai,
gagan kee gagaree bharee phootee kaheen hai,
ek haphte se jhadee tootee nahin hai,
sanginee phir yaksh kee chhootee kaheen hai,
phir kisee alakaapuree ke shoony nabh mein
kaamanaon ka andhera siharata hai.
mor kaam-vibhor gaane laga gaana,
vidhur jhillee ne naya chheda taraana,
nirjharon kee keli ka bhee kya thikaana,
sari-sarovar mein umangon ka uthaana,
mukhar hariyaalee dhara par chha gaee jo
yah tumhaare hee hrday kee sarasata hai.
haraharaate paat tan ka tharatharaana,
rimajhimaatee raat man ka gunagunaana,
kya banaoon main bhala tumase bahaana,
bhed pee kee kaamana ka aaj jaana,
kyon yugon se pyaas ka ullaas saadhe
bhare bhaadon mein papeeha tarasata hai.
main akela aur paanee barasata hai.