loader image

angaare aur dhuaan – a poem by Shivmangal Singh

itane palaash kyon phoot pade hai ek saath
inako sametane ko itane aanchal bhee to chaahie,
aisee kataar lau kee din-raat jalegee jo
kis-kis kee putalee se kya-kya kahie.

kya aag lag gaee hai paanee mein
daalon par pyaasee meenon kee bheed lag gaee hai,
naahak itanee bhoobari dharatee ne ulachee hai
phaagun ke svar ko bheed lag gaee hai.

avakaash kabhee tha inakee kaliyaan chun-chun kar
holee kee cholee rasamay karane ka
saare pahaad kee jalan ghol
anajaanee dagaron mein bagaree pichakaaree bharane ka.

ab aisee dauda-dhoopee mein
khilana bematalab hai,
is tarah khule veeraanon mein
milana bematalab hai.

ab chaahoon bhee to kya rukakar
ras mein mil sakata hoon?
chalatee gaadee se bikhare-
angaare gin sakata hoon.

ab to coffee house mein
ras kee varsha hotee hai
pyaalon ke pratibimbon mein
pulak amarsha hotee hai.

tebil-tebil par tesoo ke
dal par dal khilate hain
din bhar ke khoe kshan
kshan bhar daalon par milate hain.

patte ab bhee jharate par
kaliyaan dhuaan ho gaee hain
angaaron kee granthiyaan
hava mein hava ho gaee hain.

658

Add Comment

© 2021 Pothi | All Rights Reserved

Do not copy, Please support by sharing!