(pahalee gufa mein gobardhan-dhaaran ke bhitti-chitr ko dekhakar)
kaun hai vah vishaalakaay aajaanubaahu ! kaale aasamaan mein
apanee hatheliyon par ek laal pahaad uthae hue
kaun hai vah–is haree-bharee dharatee par apana pair tikae hue
ab vah kahaan hai ?
chaaron or thiganee janasankhya hai–sahamee huee, kaatar
aankhon ke aage samudr kee chinghaad hai–
dahaadata hua andhakaar .
ungalee pakade hue, maan kee taangon se chipate hue bachche hain
utsuk nigaahon se pralay ke khilaune ka intazaar karate hue
beete hue samay ke juen herate bandaranuma kaath chehare hain
thithakee huee bematalab kudaal hai haathon mein
tharraayee huee fasalen hain
dar se kariyaee huee nadee hai .
(sirf pashu hain–nishchint, nirvikaar
haree ghaas charane ko utsuk
ya sukhee aur paalatoo hiran hain–
chaukadee bharane ko taiyaar .)
kahaan hai toot kar barasata hua ghanaghor sangharsh ?
kab tak sahenge ham chupachaap
yuddh ka nirarthak intazaar ?
mahaabaleepuram