loader image

saamoohik snaan mein auraten

paanee mein utar rahee hain auraten
paanee kee tarah hee dikh rahee hain unakee deh
bilkul paaradarshee
apanee deh ke saath pooree-pooree aazaad auraten
bina kisee sharm ke, bina kisee garv ke

ek-doosare ka haath pakade
gol ghere mein
phool kee vyavasthit pattiyon kee tarah
doobakee lagaateen, tairatee ja rahee hain laharon ke saath

jeevit auraten paanee kee gol jalatarangon-see
aapasee taalamel se rach rahee hain madhur sangeet

kitana jeevant drshy hai
is matamaile-se paanee ka

andaroonee rang the aatmaon ke
jo jakade gae the
ubhar aae hain kainavaas par
apana paanee paate hee
ab saajhe sanyojan se
sundar bana rahe hain drshy ko

kitane moorkh hain vo jo qaid kar rahe the inako
aur jinhen nazar nahin aae
in aazaad tarangon ke sangathan.

Add Comment

By: Anuradha Ananya

© 2022 Pothi | All Rights Reserved

Do not copy, Please support by sharing!